За овој рецепт се потребни помалку од 80 минути

1. Компирите варете ги во солена и зовриена вода околу 15 минути, излупете ги и исечете ги на не многу дебели кругови.
2. Пиперката, испечете ја, потоа излупете ја и исчистете ја од дршките и семките, исечете ја на ленти.
3. Модриот патлиџан и тиквичките исто така испечете ги, претходно измијте ги, исушете ги и исечете ги на ленти.
4. Во тава ставете намастена хартија за печење и наредете ги зеленчуците по следниот распоред: компири, додајте им сол и бибер, тиквички, па кашкавал исечен на ленти (може плус пармезан), потоа пиперките и модриот патлиџан, па кашкавал.
5. Повторете ја постапката додека ги потрошите сите зеленчуци и завршете со слој компири. Одозгора полијте ги со мешавина од матено јајце и млеко.
6. Печете во загреана рерна на 180 степени, околу 40 минути.