За овој рецепт се потребни помалку од 70 минути

1. Бел пандишпан: во длабок сад се матат јајцата и шеќерот, па се додаваат брашното и печивото. Смесата се пече во кружен плех број 30.
2. Кафен пандишпан: во длабок сад се матат јајцата и шеќерот, потоа се додава брашното и печивото и на крај мелените ореви и сечканото чоколадо. Смесата се пече во истиот плех.
3. Двата пандишпани се сечат како на сликата.

4. Бел фил: се вари млекото со шеќерот, потоа се додаваат пудингот и густинот заедно измешани и се трга од оган. Се додава белото чоколадо и се остава да се излади. Посебно се мати маргаринот со шеќерот во прав, па се додава во изладената смеса и се мати.

5. Кафен фил: чоколадото се топи со маргаринот, се додаваат мелените ореви и мелените бисквити. Во оваа смеса се додаваат 5 лажици од веќе приготвениот бел фил и се меша додека се изедначи смесата.

6. Се земаат 2 дела од кафениот пандишпан и се поставуваат во облик на мустаќи. Одозгора се филува со белиот фил, врз него се редат мали кроасани и се покриваат со преостанатиот фил.

7. Се ставаат другите 2 дела од белиот пандишпан и се филува со кафениот фил.

8. Глазура: се топи чоколадото за готвење со маргаринот и со ваквата глазура се премачува целата торта. Може по желба да декорирате со шлаг крем од чоколадо (2 пакувања шлаг крем се матат со 200 мл млеко) со помош на готварски шприц и со чоколадни трошки, но само глазура од чоколадо е доволна.