За подготовка на овој рецепт се потребни помалку од 60 минути

ПОДГОТОВКА НА ЊОКИТЕ:

1. Нелупените компири ставете ги да се варат во малку солена вода додека омекнат.
2. Сварените компири се лупат и се пасираат, а уште подобро е тестото ако ги изрендате.
3. Компирот се меша со брашното, јајцата и солта и се меси тесто.
4. Тестото се дели на повеќе топчиња, а од топчињата се прават њоките: се сукаат во долги стапчиња и се сечкаат. Должината на њоките е по желба, околу 3-4 сантиметри.
5. Се варат во врела вода 1-2 минути, се вадат и се цедат.

ПОДГОТОВКА НА СОСОТ:

1. На тава ставете две лажици путер, едно чешне лук и листови жалфија.
2. Оставете ги неколку минути да се пропржат, а потоа додајте ги њоките и оставете ги уште 2-3 минути на оган.
3. Истурете ги во голем сад, наросете рендан пармезан и послужете ги.