За овој рецепт се потребни помалку од 2 часа

1. Изматете го омекнатиот путер пенасто заедно со 30 грама од брашното.
2. Останатото брашно измешајте го со млаката вода и со малку сол и месете додека да добиете меко тесто.
3. Мекото тесто расукајте го четвртасто на набрашнета површина. Во центарот додајте ја смесата од путер и брашно (која претходно малку ја засукавте во фолија со сукало).
4. Преклопете го тестото од две страни, засукајте го, па преклопете го од другите две страни и повторно засукајте го.
5. Повторете ја постапката уште неколку пати , така што, меѓу секое ново засукување ставајте го тестото да отстои во фрижидер по 10 минути.
6. По последното расукување на тестото, оставете го во фрижидер 1 час.
7. Поделете го тестото на два еднакви дела и расукајте ги во два еднакви четириаголници.
8. Едното тесто убаво премачкајте го со Нутела крем. Поклопете го внимателно со другото тесто.
9. Така преклопените теста со крем, пресечете ги во форма на голем триаголник.
10. Од основата на тестото на десната страна почнете да правите хоризонтални засеци (гранките на елката) сè до врвот. Повторете го тоа и од другата страна на триаголникот.
11. Почнете да ги виткате „гранките“ на тестото од доле, па нагоре. Внимателно за да не истече кремот.
12. Премачкајте го целото тесто со изматена жолчка од јајце и печете го на 180°C, околу 25 минути.
13. Оставете го да се олади, а потоа наросете го со шеќер во прав.