За овој рецепт се потребни помалку од 80 минути

1. Од брашното и вода по потреба се прави каша со густина како за палачинки. Во кашата се додава и сол по вкус.
2. Откако ќе се измеша кашата, се пали огнот. На пирустија се става тепсијата во која ќе се прави ѓомлезето малку да се загрее.
3. Истовремено на оганот веќе го топлиме едниот сач, кој одозгора е посипан со пепел.
4. Штом се затопли тепсијата ја попрскуваме со масло, па ставаме една мера од кашата, ја покриваме со затоплениот сач, а веќе вториот сач го ставаме на оганот да се затопли за наизменично да го користиме.
5. Првата кора ќе се запече за неколку минути, врз неа повторно ставаме од кашата и попрскуваме со масло. Го ставаме затоплениот сач и чекаме неколку минути да се запече и така повторуваме сè додека не се потроши смесата.
6. Го сечеме ѓомлезето и повторно го покриваме со затоплен сач, ама сега на сачот и под тепсијата ставаме жар од огнот и оставаме така да тлее околу 40 минути.