За овој рецепт се потребни помалку од 30 минути

1. Исчистените ракчиња зачинете ги со сол, бибер и нишесте и оставете ги настрана во сад 10-тина минути.
2. Потоа во тава на загреано масло пропржете ги од двете страни додека убаво заруменат, околу минута од секоја страна, па тргнете ги настрана.
3. Јајцата изматете ги и пржете ги во друга тава, па ставете ги во садот со ракчињата.
4. Потоа посебно пропржете го сечканиот млад кромид околу 30 секунди колку да омекне. Потоа додајте го оризот* и пржете го на умерен оган 1-2 минути.
5. Додајте ги грашакот и морковот (може и замрзнати, па оставени да се одмрзнат), соја сос, маслото од сусам, ракчињата и јајцата и мешајте. Додајте уште соја сос по вкус и послужете.

* За овој рецепт најубаво е да користите ориз зготвен од претходниот ден, од фрижидер.