Овој рецепт се подготвува за помалку од 70 минути

1. Во тенџере со зовриена вода на оган ја ставаме коцката да се вари супа. Морковите ги сечкаме на коцки. Ситно ја сечкаме главицата кромид и 2 чешниња лук.
2. Во друго тенџере со зовриена вода на оган ги ставаме морковите и грашокот да се варат и посолуваме.
3. На 50 г растопен путер во тава на оган го пржиме кромидот, посолуваме и откако ќе омекне го додаваме исечканиот лук. Откако и лукот ќе се запржи го додаваме меленото месо, посолуваме, наросуваме мелен црн пипер и промешуваме.
4. На 70 г растопен путер во тенџере на оган го пржиме брашнното, налеваме од супата од коцка, ги додаваме соја сосот и црвениот пипер и промешуваме. Откако месото ќе се испржи ја тргаме тавата од оган и го додаваме сварениот зеленчук. Откако сосот ќе ја добие потребната густина и него го додаваме во тавата, промешуваме и содржината од тавата за пржење ја претураме во керамичка тава.
5. Во длабок сад ги ставаме компирите и ги гмечиме со алатка за пире. Додаваме 50 г путер, млекото и јајцето. Со алатка го гмечиме преостанатото чешне лук, го додаваме во садот, мешаме додека пирето не се соедини и го нанесуваме во карамичката тава. Врз пирето го наросуваме ренданиот пармезан.
6. Тавата ја ставаме во рерна и печеме 40 минути на 200 степени. Ја вадиме тавата од рерна.