За овој рецепт се потребни помалку од 60 минути

1. Јагодите исчистете ги и исечкајте ги, а потоа ставете ги во тенџере на умерен оган со 30 мл јаворов сируп (или мед). Гответе ги јагодите 5-15 минути или помалку додека добиете кашеста и густа смеса. Мешајте повремено.
2. Потоа додајте ги чиа семките и 1 кафена лажица екстракт од ванила, па продолжете со мешање и готвење уште 5 минути.
3. Тргнете од оган и оставете ја смесата да се олади.
4. Загрејте ја рерната на 190 степени.
5. Во блендер ставете 1 чаша од овесните снегулки и изблендирајте ги додека добиете прав. Префрлете ги во голем сад и додајте ги останатите овесни снегулки и прашакот за печиво и добро измешајте.
6. Бананите испасирајте ги и додајте ги во смесата со овесните снегулки. Додајте ги и 60 мл јаворов сируп (или мед) и лажичка ванила екстракт. Измешајте добро додека добиете хомогена смеса.
7. Префрлете 2/3 од смесата во огноотпорен сад (20х20 см) врз намастена хартија за печење. Со прсти или со лажица убаво натапкајте ја на површината.
8. Одозгора премачкајте со подготвениот џем од јагоди, распоредете убаво со лажица или нож.
9. На крајот наросете со останатиот дел од овесната смеса.
10. Печете го колачот 30 минути во загреаната рерна додека стане златнокафен.
11. Оставете го да се излади, па пресечете го на коцки.