За овој рецепт се потребни помалку од 50 минути

1. Изматете ги јајцата заедно со брашното и со газирана вода по потреба за да добиете смеса за палачинки. Оставете да отстои неколку минути, па во тава со масло пржете палачинки.
2. Пржените палачинки оставете ги да се оладат, па една по една ставете ги на рамна површина.
3. Во меѓувреме подгответе го филот: во тава загрејте масло и ставете го кромидот да се пропржи, па додајте го меленото месо и пржете го со мешање.
4. Потоа додајте ги ренданите моркови, ренданата кинеска зелка и зачинете со бибер и вегета по вкус. Пржете додека зеленчукот омекне.
5. На еден крај од палачинките се става фил, па се виткаат во форма на пирошка. Послужете ги палачинките со соја сос, павлака или со домашен кечап и сервирајте ги.