За подготовка на овој рецепт се потребни помалку од 40 минути

1. Измијте ги модрите патлиџани и исечете ги по должина со дебелина 2-3 мм. Посолете ги и оставете ги да отстојат околу 20 минути, а потоа избришете ги и исушете ги со хартиена крпа.
2. Загрејте ја грил-тавата, премачкајте ја со маслиново масло и пржете ги модрите патлиџани подеднакво од сите страни. Оставете ги потоа врз салфетка за да се отстрани вишокот маснотија.
3. Лукот и кромидот исечкајте ги ситно и пропржете ги во тава со 2-3 лажици маслиново масло. Додајте ливчиња оригано и пропржете уште 2-3 минути.
4. Во тавата со кромид додајте ги лупените и исечкани домати и динстајте ги 10-тина минути, а потоа додајте оцет. Варете неколку минути и на крај додајте ги листовите босилек.
5. Во огноотпорен сад распоредете ред од смесата со доматите и прекријте ги со слој модри патлиџани, потоа наредете повторно ред сос од домати и на крај одозгора изрендајте пармезан. Повторете ја постапката додека материјалот не се потроши и полијте 2 лажици масло.
6. Печете во загреана рерна на 190°C, околу 30 минути. Печената пармиџана извадете ја од рерна, оставете да се олади, сечете на коцки и послужете.