За овој рецепт се потребни помалку од 80 минути

1. Кожата од месото засечете ја на повеќе места. Истријте ја со лимонот.
2. Со нож засечете го месото околу коските во должина 10-20 см (треба да направите дупки како тунел). Ова сторете го од двете страни.
3. Свежиот рузмарин истолчете го со малку сол, додајте го лукот и 1 лажица маслиново масло.
4. Откако добро ќе ја истолчите смесата, втријте ја во месото и во засеците по кожата. Ова на месото ќе му даде одлична арома.
5. Кожата зачинете ја со сол и бибер, а потоа посипете ја со рузмарин.
6. Околу месото заврзете со конец неколку гранчиња рузмарин.
7. Ставете малку масло во загреан плех, додајте го месото и печете го на 225 степени. Вртете го на секои 30 минути додека убаво се испече од сите страни.