Овој рецепт се подготвува за помалку од 50 минути

1. Сувото грозје се потопува во коњакот.
2. Плехот се подмачкува и се посипува со мешавина од лебни ронки и цимет.
3. Млекото се зоврива, а потоа му се додава гризот и се меша.
4. Потоа во гризот се додаваат маргаринот, половина од шеќерот и прстофат сол, изматените жолчки и ренданата кора од портокал, па се вари 3 минути. Се трга од оган и се остава да се излади.
5. Белките посебно се матат со преостанатиот шеќер и им се додава сувото грозје.
6. Во смесата од гриз се додаваат белките и сувото грозје, добро се соединува и се истура во подготвен плех. Се пече во загреана рерна на 180 степени околу 35 минути.