За овој рецепт се потребни помалку од 90 минути

1. Во еден сад ставете го месото, изренданиот кромид, сите зачини и 1 јајце, па сето тоа замесете го.
2. Со раце правете тркалезни ќофтиња со големина на орев и редете ги во намастен огноотпорен сад.
3. Попрскајте ги ќофтињата со масло и печете ги во загреана рерна на 190 степени, 20-30 минути.
4. Во тавче на оган ставете масло, додајте го брашното и пржете со постојано мешање. Откако брашното ќе добие златнорумена боја, додајте вода и мешајте додека да згусне.
5. Кога ќе ја добие потребната густина, тргнете го тавчето од рингла и додајте 4 изматени жолчки со непрекинато мешање.
6. Во друго тавче испржете го исечканиот лук. Кога ќе се запржи, додајте го доматното пире, налејте го белото вино и зачинете со бибер, оригано, сол. Ставете го на рингла и мешајте додека да добие посакувана густина.
7. Тавата со ќофтиња извадете ја од рерна, прелејте ја со црвениот сос, потоа со белиот сос и одозгора изрендајте поголемо количество кашкавал од покрупната страна на рендето .
8. Вратете ја тавата во рерна и допечете уште 20-30 минути на истата температура.