За овој рецепт се потребни помалку од 60 минути

1. Компирите варете ги околу 15-20 минути на умерен оган додека малку омекнат.
2. Во меѓувреме подгответе го пестото: во блендер ставете го босилекот, лукот, пињолите, лимоновиот сок, 2-3 лажици маслиново масло, сол по вкус и пармезанот и блендирајте додека состојките се соединат. Додајте вода по потреба ако е многу густа смесата. Може да го истолчите лукот и во дрвен сад заедно со босилекот и со останатите состојки.
3. Загрејте ја рерната на 230°C.
4. Компирите ставете ги врз плех со хартија за печење, притиснете ги со лажица за да ги згмечите, прелијте ги со маслиново масло, зачинете ги со сол и бибер и печете ги 20-25 минути додека станат крцкави и со златнокафена боја.
5. Компирите прелијте ги со песто сосот. Гарнирајте ги со сечкан свеж босилек или магдонос и сервирајте ги веднаш како гарнир.