За овој рецепт се потребни помалку од 90 минути

1. Свинското месо (каре или кртина) се сече на парчиња, се исчукува и се става од двете страни сол, вегета и бибер. Се остава да отстои 20-тина минути.
2. Потоа се пропржува на тивок оган во масло и се вади во чинија.
3. Настрана се сечка кромидот, печурките на тенки листови и киселите краставички на кругови.
4. Во подлабок сад се става кромидот да се пропржи, потоа се додаваат печурките и краставичките. Се зачинува со 1 лажица вегета и 1 лажица сенф, потоа се налеваат виното и водата. Се вари на тивко 10-15 минути.
5. Настрана се меша киселото овчо млеко со три јајца.
6. Во огноотпорен сад се става половина од чорбата, се реди испрженото свинско месо, па над него се дотура преостанатата чорба.
7. Одозгора со голема супена лажица се нанесува изматеното кисело млеко со јајцата. Се пече на 200 степени околу 45 минути.