За подготовка на овој рецепт се потребни помалку од 40 минути

1. Загрејте ја рерната на максимум.
2. Во голем сад измешајте брашно, сол, прашак за печиво, шеќер, сода бикарбона и рендана кора од лимета.
3. Несолениот путер е потребно да биде многу стврднат (чувајте го во замрзнувач пред употреба). Исечете го на мали коцки и измешајте го во садот со останатите состојки.
4. Во помал сад изматете 1 јајце и млекото и додајте ја добиената смеса во садот со брашното. Соединете убаво со вилушка или со дланките додека смесата не се згусне.
5. Потоа внимателно додајте ги капините и нежно промешајте. Ако смесата е премногу леплива и топла, ставете ја неколку минути во фрижидер за да се стегне.
6. Префрлете ја смесата на набрашнета работна површина и формирајте круг од 20-тина сантиметри.
7. Потоа исечете ја питата на 8 парчиња и внимателно префрлете ги во тава со хартија за печење. Намачкајте ги парчињата со изматената жолчка од јајце и наросете шеќер.
8. Печете 20-тина минути додека питата не стане златнокафена.
9. Во меѓувреме во мал сад измешајте го сокот од зелениот лимон и шеќерот во прав, па прелијте го врз готовите парчиња пита од капини.