За овој рецепт се потребни помалку од 80 минути

1. Замесете цврсто тесто од брашното, маслото, водата и солта. Добро измесете го, поделете го на неколку помали топчиња и оставете ги да отстојат околу 20 минути.
2. Во меѓувреме исчистете ја и измијте ја младата коприва. Посолете ја и оставете ја да отстои.
3. Во солена вода сварете го оризот, исцедете го и измешајте го со копривата, додајте сол и масло по потреба.
4. Тестото расукајте го врз чаршав во тенок и голем круг. Краевите од тестото откинете ги и оставете ги настрана.
5. Кога корите ќе бидат добро развлечени и малку засушени, попрскајте ги со масло и завиткајте ги онолку пати колку што ќе биде доволно за да се добие големината на плехот во кој што ќе се печат.
6. Кората ставете ја во подмачкан плех и на неа распоредете дел од филот. Редете кора, па фил и така додека се потрошат сите состојки. Завршете со кора.
7. Попрскајте ја питата со масло и со остар нож исечете ја на коцки.
8. Ставете ја во загреана рерна и печете ја додека зарумени. Кога ќе биде печена питата, попрскајте ја со млака вода, покријте ја со салфета и оставете ја да се олади. Питата се служи топла.