За овој рецепт се потребни помалку од 70 минути

1. Во просеаното брашно додајте 1/2 лажичка сол и путерот (ладен од фрижидер, исечен на коцки), па со дланките мешајте додека добиете трошкаста смеса.
2. Смесата прелијте ја со ладна вода и продолжете со месењето додека добиете мазно тесто.
3. Направете топка од тестото, ставете го меѓу два листа хартија за печење и со сукало израмнете да биде малку поголема кората од калапот каде што ќе ја печете питата.
4. Потоа префрлете го тестото во намастен калап за печење и ставете во фрижидер.
5. Во тава кратко пропржете ја сланината, па додајте го празот и заедно пржете ги околу 10 минути.
6. Оставете ги да се оладат.
7. Во посебен сад изматете ги јајцата, па додајте го иситнетото сирење, празот и сланината.
8. Зачинете по вкус, па додајте ја смесата врз тестото.
9. Печете околу 40 минути на 180 степени.