За овој рецепт се потребни помалку од 60 минути

1. Се замесуваат брашното, шеќерот, солта, квасецот и маслото за јадење со млака вода.
2. Тестото се дели на осум дела и се прават топчиња, се размесуваат, па одозгора се мачкаат со масло за јадење и се оставаат 10-15 минути да киснат.
3. Претходно се лупи и се ренда тиквата, а ако е водеста треба малку да се подисцеди од сокот. Ако тиквата не е слатка, тогаш се додава малку шеќер и на крајот се додава и цимет.
4. Се расукува поголема кора, се премачкува со масло. На почетокот од кората по целата должина се распоредува тиквата, а потоа се дипли кората и се става на средина во тепсијата.
5. Другите топчиња едно по едно се расукуваат во кора, но не се диплат, туку се завиткуваат во ролна и се виткаат околу првата кора.
6. Питата се пече на 200 степени додека да зарумени, а по желба одозгора се посипува со шеќер во прав.