За овој рецепт се потребни помалку од 60 минути

1. Лебот се потопува во вода, добро се процедува и се меша со меленото месо. Се додаваат јајцето, солта, биберот и сувиот зачин, па се меша добро.
2. Тиквичките се лупат, се чистат од семки и се рендаат на крупно ренде. Се посолуваат и се оставаат да ја испуштат течноста.
3. Во меѓувреме се обликуваат ќофтињата со дланки. Секое се валка во брашно и се пржи во тава со масло додека зарумени од двете страни.
4. Се вадат врз хартиена салфетка за да се исцедат од маснотијата.
5. За сосот: ситно сечканата средна главица кромид се пржи во масло додека стане стаклест. Се додаваат процедените тиквички и се динстаат 10 минути. Се зачинува по вкус.
6. Кога ќе испари вишокот течност, се додава лажица брашно и кратко се пржи.
7. Потоа се додава млекото и се вари уште 5 минути да се згусне.
8. Во чинијата се става сосот, а врз него ќофтињата. Се служи со салата по желба.