За овој рецепт се потребни помалку од 120 минути

1. Во сад се раствора квасецот со млакото млеко да стаса.
2. Компирите се варат, се мијат, се лупат и се пасираат, а потоа се мешаат со стасаниот квасец и млекото, маслото, малку сол и шеќер, јајцето и брашното.
3. Се замесува тесто и се остава 20 минути да стаса.
4. Потоа се сука кора и се премачкува со маргарин. Се витка како писмо и се остава во фрижидер 20 минути. Оваа постапка се повторува 3 пати.
5. Во меѓувреме се пржи блитвата колку да омекне и се додава урда или рендан кашкавал и малку павлака.
6. Тестото се вади од фрижидер и се дели на 2 дела.
7. Се расукуваат 2 исти кори. Врз првата кора на растојание се става по малку од филот со блитва, па одозгора се става другата кора.
8. Се сечат кругови околу блитвата со помош на чаша и се формираат погачиците.
9. Се оставаат да стасуваат уште 20 минути.
10. Се премачкуваат со матено јајце и се наросуваат по желба со сусам или со морска сол, па се печат додека убаво заруменат.