За овој рецепт се потребни помалку од 60 минути

1. Модрите патлиџани пругасто излупете ги по должина и по должина преполовете ги. Пржете ги во загреано маслиново масло 5 минути.
2. Извадете ги врз салфета да се исцедат, благо издлабете ги (не докрај), па во истото масло пржете ги исечканиот кромид и лук, издлабениот и исечкан дел од модриот патлиџан и пиперката исечкана на коцкички.
3. По 2 минути пржење (колку да омекнат) додајте го меленото месо и доматното пире.
4. Од доматите одвојте 8 кришки, а остатокот исечкајте го на коцки и додајте го да се пржи со месото.
5. Во смесата додајте и сечкан магдонос, па зачинете со сол и бибер и динстајте уште 5 минути.
6. Модрите патлиџани наредете ги во намастен плех и наполнете ги со смесата од мелено месо. Одозгора ставете кругови домат и ленти пиперки.
7. Во плехот налејте чаша вода, покријте го со алуминиумска фолија и печете 45 минути во загреана рерна на 180 степени.
8. Сервирајте го јадењето со јогурт и со лук.