За подготовка на овој рецепт се потребни помалку од 120 минути

1. Секое парче ширден внимателно исчистете го и припремете го за полнење.
2. Месото исечкајте го на ситни парчиња и измијте ги со вода.
3. Во тенџере на оган загрејте малку масло, ставете го месото и пржете го 30-тина минути со привремено мешање. Пред крај на пржењето, додајте ситно сечкан кромид и пржете дополнителни 5 минути.
4. Потоа во тенџерето додајте ги и ситно сечканите суви пиперки и лук, сол, бибер и црвен пипер, промешајте кратко и тргнете од оган.
5. Оризот измијте го убаво во неколку води и измешајте го со смесата во тенџерето.
6. Со така добиената смеса од месо и ориз, полнете ги ширдените, отприлика со 2 шаки од смесата за секој ширден и додајте малку од течноста каде што се пржеше месото.
7. Полнетите ширдени прицврстете ги со дрвени чепкалки и наредете ги во земјен сад. Во садот налејте пиво и вода до половина на ширдените. Зачинете со уште малку црвен пипер и ставете масло.
8. Печете во загреана рерна на 180°C, околу 90 минути. Проверувајте ги ширдените и кога ќе добијат убава црвенкаста боја од едната страна, превртете ги од другата страна за и таму убаво да се испечат.
9. Готовите ширдени прелијте ги со сосот во кој се печеа и послужете ги.