За овој рецепт се потребни помалку од 70 минути

1. Модрите патлиџани измијте ги и преполовете ги по должина. Потоа исечете ги во внатрешноста и издлабете ги, но внимавајте да не ги исечете премногу. Издлабеното месо од модрите патлиџани исечкајте го на коцкички и ставете го настрана.
2. Наредете ги едно до друго во огноотпорен сад со хартија за печење.
3. Во тава на рингла на умерен оган загрејте го маслото со чешнето лук (цело, лупено не сечено). Откако чешнето ќе омекне и ќе пушти мирис, во тавата додајте го внатрешниот дел од модрите патлиџани што ги издлабивте и меленото месо, па пржете ги неколку минути.
4. Додајте ги потоа и доматите исечкани на коцки (откако месото малку ќе се пропржи и ќе зарумени), зачинете со сол и бибер и гответе уште кратко.
5. Тргнете ја тавата од оган и во неа додајте ја сечканата моцарела, ренданиот пармезан, исечканиот свеж босилек и јајцето и измешајте.
6. Со лажица земајте од смесата и полнете ги модрите патлиџани.
7. Одозгора наросете ги со лебни трошки и печете ги во загреана рерна на 180 степени, 40 минути.