За овој рецепт се потребни помалку од 120 минути

1. Модрите патлиџани внимателно се издлабуваат (не се сечат по должина, им се сечат само капите, па така се длабат).
2. Меленото месо се пропржува со маслото заедно со исечканиот кромид, а потоа се додава црвените домати, исечкани и излупени, и се пржи уште малку.
3. Потоа се додава и оризот, сечканиот магдонос, сечканиот лук и останатите зачини и се пржи уште малку додека состојките омекнат и смесата се соедини.
4. Со вака добиената смеса се полнат модрите патлиџани. Потоа се ставаат во кеса за печење во која се налева 150 мл вода. Кесата се затвора, добро се заврзува, се става во тавче и се пече 1 и пол час во рерна на 150 степени.
5. Приготвените модри патлиџани се сечат на парчиња и се послужуваат со зеленчук.