За овој рецепт се потребни помалку од 80 минути

1. Измешајте ги брашното и омекнатиот путер и додајте неколку лажици ладна посолена вода. Месете го тестото додека не стане цврсто и компактно. Оформете го во топка, завиткајте го во фолија и оставете го во фрижидер.
2. Во една тава загрејте 2-3 лажици масло и пржете го ситно сечканиот млад кромид и целото чешне лук. Додајте ја исчистената боранија и зачинете со сол, бибер, морско оревче.
3. Налијте малку супа и динстајте неколку минути додека не омекне боранијата. Потоа префрлете ја во друг сад и измешајте ја со 100 г урда и со малку сол.
4. Тестото расукајте го со дебелина од неколку милиметри. Исечете го на долги ленти со дебелина од 10 см и премачкајте ја површината со белка.
5. Со чаша одбележете кругови (не сечете, само притиснете го нежно) од лентите од тесто. Во средината на секој одбележан круг распоредете малку од филот. Превиткајте ги лентите на половина по должина и притиснете го тестото со прстите околу филот.
6. Со чашата исечете полумесечинки (на местата каде што е одбележано тестото) и пржете ги во поголемо количество масло. Сервирајте ги со преостанатата урда помешана со лажица црн сусам.