За овој рецепт се потребни помалку од 100 минути

1. Гравот го чистиме и го миеме, потоа го ставаме да се свари во тенџере со вода со малку масло и една лажица мешан зачин. Ако го покиснеме од претходната вечер во вода, побрзо ќе се свари.
2. Кога ќе биде сварен гравот, ги чистиме кромидот и лукот, ги сечкаме и ги пржиме во загреано масло во подлабок сад. Откако убаво ќе се испржат, се додаваат зрната од гравот и се оставаат заедно убаво да се пржат.
3. Се додаваат солта и мешаниот зачин, со тоа смесата за полнење на пиперките е готова.
4. Везените пиперки се чистат, се попаруваат со врела вода за да омекнат и потоа се полнат со смесата од грав. Се редат во тепсија.
5. На крајот се посипуваат во водата во која што се вареше гравот, колку да ги прелие, па се ставаат во рерна да се запечат.