За овој рецепт се потребни помалку од 90 минути

1. Зелката се чисти, се одделуваат листовите и се сечат на половинки.
2. Филот за сармата се подготвува на следниот начин: кромидот ситно се сечка и се пропржува во 5 лажици загреано масло. Откако ќе омекне кромидот, се додава оризот и се пропржува, додавајќи по малку вода за оризот да не загори. Се меша со дрвена лажица додека се пржи за да не се залепи.
3. Откако и оризот ќе омекне, се додава малку црвен пипер, се пропржува и кога ќе се тргне од огнот се додаваат мелените ореви и сè убаво се промешува.
4. Сармите се подготвуваат од листовите кисела зелка, се полнат со филот и се виткаат. Потоа се редат во лонец и се преливаат со толку вода колку да се покријат сармите, а потоа се варат.
5. Од 2 лажици масло, 2 лажици брашно и малку црвен пипер се прави запршка, па се става со сармите. Одвреме навреме лонецот се протресува и се посолува по вкус.