Овој рецепт се подготвува за помалку од 50 минути

1. Загрејте ја рерната на 175 °C и подмачкајте две округли тави од 25 cантиметри.
2. Во сад измешајте ги брашното, солта и какаото.
3. Во друг сад со електричен миксер матете го путерот околу 1-2 минути.
4. Потоа додајте го шеќерот и матете уште 2-3 минути.
5. Додајте ги јајцата едно по едно, потоа една лажица од ванилиниот екстракт и мешајте додека сè убаво не се соедини.
6. На страна измешајте ги матеницата и црвената боја и потоа со смесата од брашното наизменично додавајте ги во смесата со јајцата, со тоа што на крај ќе завршите додавајќи го последниот дел од смесата со брашно.
7. Матете со електричен миксер на најслабо сè додека состојките убаво не се соединат (ако немате матеница замена може да претставува 240 милилитри обично млеко во кое ќе додадете една супена лажица лимон и ќе оставите да отстои 5-10 минути).
8. Во чаша соединете ги сода бикарбоната и оцетот и брзо додајте ги во смесата.
9. Работејќи брзо, префрлете ја смесата во двете тави подеднакво и печете околу 25-30 минути.
10. Откога ќе завршите со печење, оставете тортите да се оладат 10 минути, и потоа извадете ги од тавите, завиткајте ги во фолија и ставете да отстојат во фрижидер минимум еден час. Може да ги оставите и преку ноќ.
11. За кремот, во сад измешајте ги крем и маскарпоне сирењето со електричен миксер.
12. Додајте ја другата лажица ванилин екстракт и шеќерот во прав и мешајте додека смесата не стане мазна.
13. Постепено додавајте ја хоплата и мешајте додека смесата е доволно згустена за да може да намачка.
14. Откога ќе завршите со овие чекори, извадете ги тестата од фрижидер и пресечете ги на пола, со тоа што ќе добиете 4 кругови.
15. На чинија ставете едно од тестата, премачкате го со дел од кремот, потоа повторно ставете тесто и повторувајте ја процедурата.
16. На крај премачкајте ја цела торта со кремот и можете да ја украсите со кокосови снегулки.