За овој рецепт се потребни помалку од 60 минути

1. Исчистете го крапот, измијте го и исечете го на парчиња. Исчистениот и исечен на тркалца комплет зеленчук за супа, неколку зрна бибер, ловоровиот лист, исечениот кромид, исечканиот магдонос и сол по вкус прелијте ги со вода и варете ги додека состојките не омекнат.
2. Во друго тенџере загрејте го маслото, додајте го брашното и пржете го додека не ја промени бојата, па додајте малку мелен црвен пипер.
3. Чорбата од зеленчук прецедете ја, сипете ја во запршката и ставете сол и вегета по вкус. Потоа додајте ги парчињата риба и чорбата варете ја околу 30 минути.