За овој рецепт се потребни помалку од 3 часа

1. Откако ќе ги исчистите џигерчињата, оставете ги да се маринираат 2 часа во сад со 1 прст вино и половина исечкан кромид.
2. Во меѓувреме исчистете ги пилешките гради и поделете ги на два дела. Секоја половина исечете ја на два дела по должина, истолчете ги и посолете ги.
3. Извадете ги џигерчињата од маринадата и пржете ги на малку масло заедно со останатиот исечкан кромид, маслинките, доматното пире, исечканиот лук и магдонос, сол и бибер.
4. Оставете ги да се оладат, а потоа ситно исечкајте ги и ставете ги врз парчињата пилешко месо. Завиткајте го месото како ролат, а потоа завиткајте го во масна хартија. Заврзете го и печете го на 190°C, полевајќи го со масло.
5. Во меѓувреме сварените брокули изблендирајте ги со малку масло и сол или испасирајте ги. Сервирајте ги ролатите исечени на парчиња врз сосот од брокули.