За овој рецепт се потребни помалку од 100 минути

1. Во сад со миксер изматете ги јајцата со 7 лажици шеќер додека шеќерот се растопи. Непрекинато матејќи додавајте 500 мл од врелото млеко.
2. Во тенџере со 150 мл млако млеко додајте го квасецот, 1 лажица брашно и 1 лажица шеќер. Мешајте со лажица додека квасецот да се растопи и оставете го да стаса.
3. Во длабок сад со преостанатото брашно додајте ги стасаниот квасец, маслото, изматените јајца со млеко и малку изрендана кора од лимон. Замесете тесто и оставете го да стаса 30 минути.
4. Во тенџере на оган ставете 500 мл вода, 1 литар млеко и 1 лажица маргарин и мешајте со лажица.
5. Откако содржината ќе зоврие додајте ги преостанатиот шеќер и афионот и мешајте додека филот ја добие потребната густина.
6. Тргнете го тенџерето од оган, додајте го циметот и промешајте.
7. Во длабок сад со миксер пенасто изматете ги преостанатиот маргарин и шеќерот во прав.
8. Тестото исечете го на 8 еднакви дела и од секое парче формирајте топка.
9. Од 2 топки на набрашнета површина развлечете правоаголни кори, премачкајте ги со маргарин и ставете ги една врз друга, па нанесете фил.
10. Свиткајте во ролат и ставете го во тава обложена со хартија за печење.
11. На истиот начин подгответе ги и останатите 3 ролати.
12. Премачкајте ги со маргарин и печете ги 45 минути во рерна на 200 степени.