За овој рецепт се потребни помалку од 90 минути

1. Квасецот помешајте го со малку брашно, шеќер и млако млеко и оставете го на топло место да стаса.
2. Маргаринот добро измешајте го со брашното, додајте 1 јајце, жолчка, 60 грама шеќер и стасаниот квасец и замесете тесто.
3. Оставете го тестото да отстои околу половина час.
4. За филот: мелените ореви прелијте ги со зовриеното млеко, додајте го медот, 150 грама шеќер, сувото грозје, ренданата кора од лимон, румот, морското оревче и циметот. Сè добро промешајте и оставете да се олади.
5. Стасаното тесто повторно замесете го и поделете го на 6 дела.
6. Расукајте го секој дел (околу 35х25 см), премачкајте ги со филот и свиткајте мали ролати.
7. Ставете ги ролатите еден до друг во намастена тепсија и премачкајте ги со изматено јајце.
8. Печете ги околу 45 минути на 190°C-200°C.
9. Откако малку ќе се оладат, посипете ги со шеќер.