Овој рецепт се подготвува за помалку од 80 минути

1. Кршиме 8 јајца и ги делиме белките од жолчките.
2. Во садот со жолчките ги додаваме путерот и шеќерот во прав. Матиме со миксер. На покрупната страна од рендето во садот рендаме кора од лимон. Додаваме 350 г брашно и румот. Го месиме тестото со рака додека не се соедини.
3. Со миксер ги матиме белките и го додаваме шеќерот. Откако ќе се растопи ги додаваме оревите и ванилиниот шеќер. На покрупната страна од рендето во садот ја рендаме чоколадата. Додаваме 3 лажици брашно и мешаме додека филот не се соедини.
4. На набрашнета работна површина од половина од тестото со сукало развлекуваме кора. Ја ставаме во тркалезна тава за печење намрсена со путер. Врз кората го нанесуваме филот.
5. Од преостанатото тесто развлекуваме кора и ја ставаме во тавата. Преостанатото јајце го матиме со виљушка и со четка ја премачкуваме питата.
6. Ја ставаме тавата во рерна и печеме 45 минути на 200 степени и ја вадиме од рерна.
7. Питата ја вадиме од тавата и ја сечеме на триаголни парчиња.