За овој рецепт се потребни помалку од 140 минути

1. Јајцата и шеќерот варете ги на пареа со постојано мешање за да не се претворат во грутчиња. Доволно е околу 10-15 минути, па ќе започне да се појавува пена и масата ќе порасне.
2. За тоа време, на посебна рингла ставете заедно да се растопат медот и маргаринот и да се соединат, загревајте до вриење.
3. Во садот со јајца и шеќер, излејте ја врелата смеса од путер и мед, па добро измешајте.
4. Брашното полека истурајте го, лажица по лажица додека да добиете кашаста смеса, нешто како варен гриз или палента. Во оваа смеса додајте и лажичка сода бикарбона.
5. Добро измешајте со вилушка или миксер за да нема грутчиња.
6. Вака приготвената смеса, се покрива со ќеса и се остава да одмора еден час.
7. Половина од смесата излејте ја во плех од рерна обложен со хартија во многу тенок слој.
8. Кората печете ја на 200 степени додека да порумени.
9. Кората исечете ја така да добиете 3 правоаголници, па автоматски добивате 3 кори. На ист начин излејте ја втората половина од смесата.
10. Филот: Изматете слатка павлака со шеќер. Изладените кори филувајте ги и редете ги една преку друга. Ќе ви остане доволно фил за да ја премачкате целата торта одозгора и да ја украсите со ореви.