За овој рецепт се потребни помалку од 90 минути

1. Главицата зелка ја засекуваме со нож и ја разлистуваме. Листовите ги ставаме во тенџере со зовриена вода на оган и вариме со капак додека листовите омекнат, па ги вадиме со решетка и ги ставаме на чинија.
2. Исечканиот кромид го пропржуваме во тава со загреано масло и откако ќе за запржи добро и ќе омекне, го додаваме меленото месо, вегета, сол и бибер. На крајот го додаваме оризот и добро промешуваме. По некое време го додаваме и доматот исечкан на коцки и пржиме со мешање.
3. Откако смесата убаво ќе се пропржи, ги филуваме листовите зелка со неа со по една лажица од филот и ги виткаме во сарми и ги редиме во намастен огноотпорен сад.
4. Врз садот наросуваме сечкана зелка и сечкана сланина, наливаме вода колку да се покријат сармите до половина и ги печеме 1 час во рерна на 175 степени.