За овој рецепт се потребни помалку од 60 минути

1. Сувото грозје потопете го во вода.
2. Во меѓувреме, кромидот излупете го, исечкајте го и пропржете го на путерот. Кога ќе омекне, додајте го оризот и со мешање убаво пржете го.
3. Кога и оризот ќе се пропржи, додајте ја супата, па варете 30 минути.
4. Доматот прелијте го со врела вода, излупете го, преполовете го, извадете ги семките и ситно исечкајте го.
5. Сувото грозје исцедете го и додајте го на оризот, заедно со доматот и со 2 лажици бадеми, исечкани на листови. Зачинете со сол, бибер и цимет.
6. Блитвата измијте ја, отсечете го белиот дел, па варете ја 10 минути во посолена вода. Исцедете ја, исушете ја, ситно исечкајте ја и измешајте ја со оризот.
7. Листовите блитва бланширајте ги 4 минути во посолена вода, внимателно секој дел исушете го, па филувајте ги со смесата  од ориз. Завиткајте ги како сарми.
8. Сармите варете ги 10 минути.
9. Останатите бадеми исечкајте ги на листови пропржете ги во тава без масло. Сармите сервирајте ги во чинија заедно со сечканите бадеми.