За подготовка на овој рецепт се потребни 2-3 часа

ТЕСТО:

1. Просејте го брашното, во средината ставете 2 лажици масло и замесете тесто, додавајќи 1,5 децилитри млака вода измешана со 1 лажица оцет и малку сол.
2. Тестото замесете го со дланките, удирајќи го на работната површина, така неколку пати додека омекне. Поделете го на два дела, обликувајте кругови, премачкајте ги со масло, покријте ги и оставете ги да мируваат околу 1/2 часа.
3. Потоа на набрашнета површина расукајте ги тенко двете половинки од тестото, а потоа и со рака развлечете го додека не стане проѕирно. Дебелите краеви исечете ги со нож, а тестото оставете го малку да се подзасуши и пред да го филувате намачкајте го со малку маргарин.

ФИЛ:

1. На тенко развлеченото тесто распределете ги претходно пропржените лебни трошки.
2. Грозјето измијте го и зрната распоредете ги во еден ред на крајот од тестото и зашеќерете ги.
3. Тестото свиткајте го, ставете го во тепсија и премачкајте го со 150 грама растопен маргарин.
4. Штрудлата ставете ја да се пече и потоа исечете ја на парчиња по желба и наросете со шеќер во прав.