За овој рецепт се потребни помалку од 30 минути

1. Во тавче се ставаат масло и исечканиот кромид, се пржи додека омекне, па се додаваат ситно сечканите пиперки. Се пржат додека омекнат.
2. Потоа се додаваат доматното пире, сол, зачините и се пржи додека сосот се згусне.
3. Модрите патлиџани, нелупени, се сечат на коцки, се посолуваат  и се оставаат да отстојат, па добро се сушат.
4. Во тавче со масло се пржи модриот патлиџан, се додава целерот. Се ставаат во доматниот сос, па се додаваат и исечканите маслинки, копарот, босилекот, соја сосот, шеќерот, винскиот оцет и заедно се динста 10-тина минути.
5. Се сервира во чинија и одозгора се украсува со свеж босилек или магдонос.