За овој рецепт се потребни помалку од 90 минути

1. Во сад за месење се ставаат 600 мл млеко, 4 жолчки и маслото, па се додаваат 200 г шеќер, квасецот, солта, румот, ренданата кора од лимон и портокал и се промешува.
2. Се додава брашното и се замесува убаво, мазно тесто. Се остава да стасува околу 30 минути.
3. Во меѓувреме се подготвува филот од какао: какаото се меша со 4 лажици шеќер и со малку вода.
4. Потоа тестото се дели на 12 топчиња, кои се растегнуваат, се премачкуваат со фил, па се виткаат во ролат. Од три ролатчиња се прави плетенка. Треба да добиете три плетенки.
5. Така приготвените плетенки се ставаат во намастена тепсија или калап за печење, се премачкуваат со мешавината од какао и се оставаат да стасуваат уште 30 минути.
6. Потоа се премачкуваат со смеса од жолчка и 3 кафени лажици млеко и се печат во загреана рерна на 200 степени додека убаво заруменат.