За овој рецепт се потребни помалку од 40 минути

1. Тиквичките и модрите патлиџани се мијат и се лупат, па се сечат на тркалца.
2. Се валкаат во брашно, па во сад со матени јајца и се пржат во тава на загреано масло од двете страни.
3. Вака похувани се редат во сад по следниот распоред – еден ред модри патлиџани, кои се премачкуваат со павлака, потоа листови пршута, па втор ред со тиквички и повторно павлака и пршута.
4. Третиот слој се модри патлиџани, врз кои се премачкува павлака и се ренда кашкавал.
5. Тортата се декорира по желба и се остава да отстои во фрижидер, а може и да се стави кратко во рерна да се потпече колку да се растопи кашкавалот.