За подготовка на овој рецепт се потребни помалку од 60 минути

1. Скршете 3 јајца и одделете ги белките од жолчките. Белките ставете ги во сад за матење, а жолчките во поголем длабок сад.
2. Жолчките матете ги со жица за матење и постепено додавајте го млекото и брашното додека смесата не ја добие потребната густина за палачинки. Ако е многу густа, разредете ја со малку вода.
3. Белките матете ги со миксер и измешајте ги во садот.
4. Во тава растопете путер и ставете ги исечканите шампињони, посолете ги и пржете додека не испари целата вода од нив.
5. Во друга тава ставете путер и од смесата со брашното, пржете палачинки од двете страни на вообичаен начин.
6. Во тавата со шампињоните додајте две јајца и непрекинато мешајте и пржете. Додајте и пармезан, па повторно мешајте и потоа тргнете настрана.
7. Премачкајте керамичка тава со путер, а секоја палачинка премачкајте ја со филот од печурки, виткајте ја во ролат и ставете во тавата. Печете 15-тина минути на температура од 225 степени додека палачинките не заруменат. Врз готовите солени палачинки наросете рендан пармезан и послужете.