За подготвка на овој рецепт се потребни помалку од 60 минути

1. Излупете половина од ѓумбирот и изрендајте го, а потоа во длабок сад измешајте го со меленото свинско месо. Додајте ситно сечкан кромид, млад кромид, јајце, лебни трошки, 1-2 лажички соја сос и бибер.
2. Добро промешајте со дланките додека сите состојки не се соединат, формирајте ќофтиња, наредете ги во огноотпорен сад со намрсена хартија за печење и печете ги во загреана рерна на 200°C, околу 35-40 минути.
3. Во меѓувреме варете го оризот во тенџере со солена вода околу 20 минути, а потоа исклучете ја рерната и оставете го да се крчка уште 5 минути.
4. Во големо тенџере измешајте соја сос, 1/2 чаша вода, кафеав шеќер, оризов оцет и сусамово масло. Додајте ја и другата половина изрендан ѓумбир и ставете на тивок оган неколку минути колку да се стопи шеќерот.
5. Растворете го пченкарниот скроб во малку вода и додајте го во тенџерето со смесата од соја сос. Зголемете ја температурата, мешајте и варете додека сосот не зоврие и не се згусне. Кога ќе згусне смесата, веднаш додајте го сусамот и тргнете од оган.
6. Сега префрлете ги готовите ќофтиња во тенџерето со сосот, внимателно промешајте со лажица и варете 1 минута колку убаво да впијат од сосот.
7. Послужете го оризот во длабока чинија, додајте ги ќофтињата, полијте од теријаки сосот и декорирајте со парчиња млад кромид на врвот.