Овој рецепт се подготвува за помалку од 75 минути

1. Во длабок сад ставете ги брашното и омекнатиот путер. Замесете ги со раце за да се соединат. Додајте ги јајцето, млекото, солта, шеќерот и матете додека не се соедини смесата. Завиткајте го тестото во проѕирна фолија и ставете го во фрижидер 1 час.
2. За филот, изматете ги во сад јајцето и шеќерот додека не станат пенасти, додајте го млекото и крем сирењето и повторно промешајте.
3. Тавче за тарт премачкајте го со путер.
4. Тестото расукајте го со сукало за да биде околу 2-3 мм дебело и ставете го во садот за тарт. Дното избоцкајте го со виљушка.
5. Јаболките излупете ги и исечете ги на тенки кришки.
6. Наредете ги кружно над тестото и печете ги 15-20 минути во претходно загреана рерна на 200 степени.
7. Потоа одозгора прелијте го филот. Повторно печете уште 30-35 минути.
8. Кога ќе се испече, извадете го, оставете малку да се олади и послужете го.