За подготовка на овој рецепт се потребни помалку од 110 минути

1. Најпрво целото парче месо го вариме во солена вода околу еден час. Потоа го вадиме од водата и го сечкаме на ситни коцки, а водата не ја фрламе.
2. Во тенџере со загреано масло го пропржуваме ситно исечканиот кромид и ренданиот морков. Откако малку ќе омекнат, го додаваме и месото. Промешуваме и ги динстаме 10-15 минути.
3. Потоа ги додаваме ренданиот компир, ренданиот корен од целер, ренданиот пашканат и маринираните шампињони.
4. Пржиме сè заедно околу 2-3 минути, па зачинуваме по вкус со сол, бибер, вегета и буковка.
5. Се додава една лажица црвен пипер за да не се прави запршка. Сето тоа се прелива во водата во која се вареше месото.
6. Се вари уште 30 минути. Пред крајот се вади дел од зеленчукот и од месото и во помал сад се пасираат, па се враќа пасираниот дел во чорбата, со што ќе добие густина. По желба на крајот се додава исечкан магдонос.