За овој рецепт се потребни помалку од 40 минути

1. Месото се мие и се сече на долги ленти околу 4-5 см и широки 1/2 см. Парчињата месо се ставаат во тава за пржење, се зачинуваат со вегета или сол, со бибер и масло, па тавата ја покриваме со капак и ја ставаме во фрижидер.
2. Откако месото ќе отстои, се става тавата на оган и се пржи месото. Кога ќе испари течноста од месото, го додаваме ситно исечканиот кромид, па кога кромидот ќе стане проѕирен, ги додаваме ситно исечканиот лук и сечканите печурки.
3. Сето тоа го покриваме со капак и оставаме да се динста во сопствениот сок. Кога течноста ќе испари, додаваме врела вода и покриваме повторно да се динста.
4. Кога малку ќе омекне месото (не премногу затоа што не смее да се распадне), во тавата додаваме магдонос, копар и кисели краставички, исечени на тенки ленти по должина. Оставаме кратко да се запржи, па во тавата додаваме вино и сок од лимон.
5. Во друг сад се мешаат павлаката и сенфот, па и нив ги додаваме во тавата. Добро промешуваме, па целат содржина во тавата ја посипуваме со 1 полна лажица брашно.
6. Мешаме, ја намалуваме температурата на ринглата и динстаме уште 10 минути со често промешување.