Овој рецепт се подготвува за помалку од 120 минути

1. Белките матете ги со миксер додека не се формира цврст бел шлаг, потоа постепено додавајте го шеќерот заедно со нишестето и продолжете да матите додека не се формира многу цврст шлаг.
2. Тава за печење покријте ја со хартија за печење и шлагот од белки ставете го во 3 кругови со дебелина од 1 сантиметар и околу една педа широки. Внимавајте круговите да не се допираат меѓусебно. Доколу немате место во една тава, употребете уште една тава и печете ги 1 час на 135 степени.
3. Од кога ќе се испечат исклучете ја рерната и оставете ги да седат во неа додека рерната не се олади целосно.
4. Потоа на чинија за служење ставете едно од тестата, врз него ставете од изматената хопла со 1/3 чаша шеќер и наредете овошје по ваш вкус (ние употребивме малини, јагоди и сливи). Потоа ставете го другото тесто, повторете ја постапката и со третото тесто и завршете со овошје.