За овој рецепт се потребни помалку од 40 минути

1. Исечкајте го чадениот лосос на ситни парчиња.
2. Потопете ги листовите желатин во ладна вода и оставете ги да отстојат.
3. Ставете го свежиот лосос во тенџере, прелијте со вода и ставете го на рингла да врие. Кога ќе зоврие, варете 8 минути, па тргнете од оган.
4. Излупете ги краставиците и исечкајте ги по должина, па на половина. Со лажиче отстранете го средниот дел од краставиците, а остатокот исечкајте го на поситни коцки.
5. Кромидот исечкајте го на коцки, исто така и копарот исечкајте го ситно.
6. Во поголем сад ставете го прво лососот исечкан на парчиња, па додајте ги краставичките, кромидот, копарот, 300 мл павлака, бибер, сол и сок од свежо исцеден лимон. Измешајте.
7. Исцедете го желатинот, измешајте го со остатокот од павлаката и ставете го малку на рингла. Загрејте го, па додајте го во смесата со лосос.
8. Во кружен калап за торти со пречник 24 см ставете проѕирна фолија, премачкајте ја со масло, па наредете го исечканиот лосос. Врз чадениот лосос нанесете од смесата со варен лосос, израмнете и прекријте со фолија.
9. Врз фолијата ставете кујнска крпа и смесата ставете ја фрижидер преку ноќ.
10. Следниот ден на чинија наредете сечкани кругови краставица, па ставете ја одозгора тортата од лосос. Декорирајте со краставица, исечете на парчиња и послужете.