За овој рецепт се потребни помалку од 60 минути

1. Во сад за матење се матат јајцата со 6 лажици шеќер додека шеќерот се растопи. Во садот постепено го додаваме брашното, мешајќи со лажица.
2. Смесата се става во тава обложена со хартија за печење. Се пече на 200 степени додека не се зарумени одозгора.
3. Го вадиме тестото од рерна, по 5 минути го превртуваме на влажна крпа, веднаш го премачкуваме со мармалад (од јагоди, малини или капини) и го виткаме во ролат.
4. Ролатот треба да отстои половина ден, а потоа се сече на парчиња со дебелина од 1 см.
5. Филот: млекото се вари со 6 лажици шеќер и се додаваат двата чоколадни пудинзи кои претходно се растопени во малку млеко. Кога смесата ќе се згусне, се додава чоколадото за готвење и путерот.
6. Тргаме од оган и оставаме да се олади и тогаш ги додаваме мелените ореви.
7. Во кружен (полутопчест) сад се редат исечените парчиња ролат по ѕидовите на садот едно до друго. Најдолу на садот се става од филот со дебелина од 1 см, па се реди ролатот хоризонтално. Постапката се повторува додека не се наполни садот, а да се заврши со ролат.
8. Садот се става во фрижидер да се стегне и по 2 часа се превртува во плитка, кружна чинија. Се украсува со шлаг по желба.