За овој рецепт се потребни помалку од 90 минути

Пандишпан

1. Пет јајца искршете ги и одделете ги жолчките од белките: белките ставете ги во сад за матење, 4 жолчки ставете во друг сад за матење, а 5-тата жолчка оставете ја во сад настрана.
2. Изматете ги белките со миксер, додајте 65 г шеќер и матете додека да се растопи.
3. Преостанатиот шеќер додајте го во садот со жолчките и матете со миксер додека шеќерот се растопи.
4. Изматените жолчки измешајте ги со изматените белки, додајте ги брашното и какаото и мешајте со лажица додека смесата се соедини.
5. Нанесете ја во тркалезен калап за печење обложен со хартија за печење и печете го 30 минути во рерна на температура од 180 степени.

Фил

1. Во тенџере на оган додајте го млекото.
2. Четири јајца искршете ги и одделете ги жолчките од белките: жолчките додајте ги во садот со 1 жолчка што остана од пандишпанот, додајте го шеќерот во прав и матете со миксер.
3. Потоа содржината од садот додајте ја во зовриеното млеко во тенџерето на оган и мешајте со лажица. Додајте и малку рендана кора од лимон.
4. Откако кремот ќе ја добие потребната густина, тргнете го тенџерето од оган и оставете го кремот да се олади.
5. Во друго тенџере на оган растопете 100 г чоколадо искршено на парчиња и оставете да се излади.
6. Во сад за матење со миксер изматете 250 г путер додека да стане пенаст, па додајте ги изладениот крем и изладеното топено чоколадо. Изматете со миксерот додека филот се соедини.

Финална постапка

1. Пандишпанот извадете го од калапот и отстранете му ја хартијата за печење.
2. Исечете го на 3 еднакви дела: на чинија за торта ставете ја првата кора пандишпан и премачкајте ја со фил.
3. Повторете ја постапката со останатите кори и филот.
4. Со преостанатиот фил премачкајте го страничниот дел на тортата, а горната површина премачкајте ја со џемот од кајсии.
5. Одозгора прелијте ја тортата со 100 г топено чоколадо со 50 г путер.